فٌمٍان ْغيُابكً اللٍيْ ماًترُك ْلمٌواصْلكٍ بشُرىّ .!

فمان غيابك
اللي ماترك لمواصلك بشرى
فمان الشك
وظنون الخطآ والكذب والتشويش

فمان العيد
كني به يجيني وحالتي تزرى
يطبطب فوق أكتاف الحزن ويقول لي “معليش !

فمان الجوع وإحساس العطش
ومفارقك ” صحرآ “
تعبت أفتش لوحاتها , وأضناني التفتيش
فمان ضلوع مكتوب على أحزانها اليسرى
هنا توجد جروحي , لو تكرمتِ بلا تنبيش “

فمان دموع
لا تغني ولا تسمن من الذكرى
وأنا اللي ماقدرت أطلع من أجوائي معك بشويش

فمان الشاعر ,
اللي يجمع بتجربته الصغرى
فكر بدر \ ورومنسية نزار .. وفلسفة درويش !

فمان الخوف
ويدينك جنود وأضلعي | أسرى
وأنا فيني من الإحباط
مايكفي هزيمة جيش !
فمان أشياء ماتنقال للعالم ولا تطرى
ممالك ( حب )
دمرها الأسى , وسياسة التطفيش

فمان الأيش ؟
ما أدري , ولكن الزمان أدرى
وأنا اللي ضاع ما يدري عشيره ضيعه لجل أيش!